今日下午中環有「和你Lunch」活動，阮民安坦言擔心這是國安法之前最後一次，因此響應網民呼籲到來參與支持，一齊唱《願榮光歸香港》。

Tommy表示，今次是他首次參加「和你Lunch」活動，「見到中環嘅白領都好好，每一次都參加，好感動」。他表示商場的保安員曾經干涉要求他們降低聲浪，「但我哋當然係越嚟越大聲啦，因為要對抗、反抗，唔係順應」。

他提醒說，今晚6點ifc有獻花活動，今晚都要小心。「大家都好擔心，國安法唔知會有咩事，但係全香港人一齊，人多就無問題。聽日7.1維園見，用人數話畀大家聽，話畀全世界聽，對住呢個極權，我哋係唔會卑躬屈膝，一定會出嚟反抗，希望保重，Be water。」

另一位參加活動的市民認為「50年不變」早已蕩然無存。他說，7.1之後會成立國安法，「拉啲香港人返大陸，打靶、殺咗佢又得，點都得。所謂香港一國兩制已經無咗，香港依家一國一制。你話50年不變，50年都未夠，都已經變晒，成個香港都唔知似乜樣。呢個政府始終都係無用、垃圾，香港人7.1上街」。

另一位出席活動的白領何先生指，當局是要用國安法「震懾」香港人，「等你驚，等你哋啲市民唔夠膽出嚟」。他又指建制派只是在討好、靠嚇，「唔覺得佢哋咁接近大人，你可以講清楚（國安法）詳情係點樣，有好多步驟唔使咁急、咁秘密吖，夾硬攝落附件三，咩都做得出。」

-----------------------------
打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
-----------------------------
你敢爆，我敢獎！ 立即WhatsApp《蘋果》24小時爆相爆片熱線 或致電：63836568