隔牆有耳：o靚界巡遊爆Hea - 李八方
蘋果日報 2009/10/04 00:00
十．一過晒，各界才俊擦中央鞋仍然樂此不疲。香港青年聯會噚日喺西九搞巡遊，官員同明星搖旗仔、坐老爺車做場中暑Show，大會聲稱有過萬個年輕人參加。北京巡遊方隊整齊有序，香港參加巡遊嘅小學生則邊行邊嗌攰。
制服團體綵排乾曬
號稱萬人大巡遊嘅參加者有中聯辦副主任王志民、政制及內地事務局局長林瑞麟、民政事務局副局長許曉暉，仲有消防處處長盧振雄、入境事務處處長白韞六、海關副關長歐陽可樂。港大研究生會號召學生參加，仲送50蚊禮物利誘，唔知有幾多學生響應。
巡遊在西九龍圓方外空地集合，嗰度十分荒蕪，現場又熱又曬，200幾個着住制服嘅後生仔女喺度綵排，真係戥佢哋辛苦，司儀仲要指指點點，一時話佢哋行得太快，一時又話要跟音樂，未正式巡遊，成班人已經被人玩到謝晒。
曬咗兩粒鐘，終於出發，高官同明星齊齊拉起一幅長60米、闊89米、重510公斤，號稱全球最大嘅五星旗，呢支旗5月12日由四川北川出發，途經延安、井岡山等革命地點先嚟到香港。玩完扯大旗，官員、明星就坐老爺車出發去尖沙嘴遊花園，最後去到紅館參加晚會
巡遊在西九龍圓方外空地集合，嗰度十分荒蕪，現場又熱又曬，200幾個着住制服嘅後生仔女喺度綵排，真係戥佢哋辛苦，司儀仲要指指點點，一時話佢哋行得太快，一時又話要跟音樂，未正式巡遊，成班人已經被人玩到謝晒。
曬咗兩粒鐘，終於出發，高官同明星齊齊拉起一幅長60米、闊89米、重510公斤，號稱全球最大嘅五星旗，呢支旗5月12日由四川北川出發，途經延安、井岡山等革命地點先嚟到香港。玩完扯大旗，官員、明星就坐老爺車出發去尖沙嘴遊花園，最後去到紅館參加晚會
巡遊花車同慶典閱兵嗰架紙紮花車一樣冇乜睇頭。
大會聲稱萬人參加
大會聲稱有過萬年輕人巡遊，包括體育界代表、制服團體、大中小學生等等，有冇報大數，主辦機構心中有數。巡遊隊伍沿途打鑼打鼓搖旗仔，身為人肉佈景板，佢哋十分專業，見到記者鏡頭就好精靈活潑，交足戲嗌口號，不過鏡頭背後卻另一個樣，幾乎人人嗌熱嗌攰，又無精打采，睇完北京個巡遊，香港呢個真係Hea好多。
八方所見，好多學生都曬到神情呆滯，有小學生同八方講，因為自己係中國人，所以參加巡遊，聽到呢個答案，阿爺應該好安樂，國民教育終於有啲成效！不過唔係人人都係咁，有市民不滿巡遊封路，猛鬧唔方便，係咁質問在場警員究竟幾時先放行。
mailto:[email protected]
八方所見，好多學生都曬到神情呆滯，有小學生同八方講，因為自己係中國人，所以參加巡遊，聽到呢個答案，阿爺應該好安樂，國民教育終於有啲成效！不過唔係人人都係咁，有市民不滿巡遊封路，猛鬧唔方便，係咁質問在場警員究竟幾時先放行。
mailto:[email protected]
國旗致敬禮喺西九塊爛空地舉行，有啲失禮。