年僅9歲嘅香港小巨肺Celine（譚芷昀）最近喺美國才藝節目《全美一叮》（America's Got Talent），憑住加拿大天后Celine Dion名曲《My Heart Will Go On》技驚四座，連同評判Simon Cowell、Heidi Klum同埋Melanie B都企起身拍掌力撐，喺facebook及YouTube公開後已錄得超過1,334萬瀏覽，認真厲害！(新聞連結： http://bit.ly/2sljbIx )

今日Celine喺佢喺嘅fb留言，佢話：「I'm through to the next round, thank you all for the support!!我成功晉級啦，多謝大家支持！」

由於早前流出片段只係宣傳片，喺美國時間20號真係播出Celine參賽嘅完整版《全美一叮》，評審同主持人喺twitter留言讚佢嘅表現，仲有網民期待佢同Celine Dion喺節目上見面。

Celine喺《全美一叮》節目中就話自己有教妹妹Dion唱歌，但妹妹唱得唔係幾好，又見Celine同妹妹感情好好，佢哋喺後台等待出場時，妹妹幫Celine撥頭髮，Celine喺訪問中講自己最大夢想係成為歌手，自己喜歡Celine Dion係因為對方好靚、有非常好嘅唱歌天份，對方係一流!

唱完歌之後，Celine仍然好淡定講咗句：「Thank you!」全場拍晒手掌，Simon Cowell先問 "Celine, I want to know, that's obviously not you singing, so who's that singing?"，Celine即肯定答 "It’s me!"，Simon Cowell再搞笑問 "That really you? You're not kidding me? Is no one behind this screen? It is a hundred percent you? OK! Then you are incredible."

Heidi Klum再問 “You really knocked it out of the park. You got all the notes right. It was beautiful. You’re beautiful. Well done!”

Celine都讚Heidi Klum好靚，向Heidi Klum送飛吻；Howie Mandel就話 "I can’t get the smile off my face. You are amazing. That’s why I love this show." 而Melanie B都讚Celine表現淡定到好似喺屋企唱緊歌咁，最終拎到四個「Yes」，父母出去攬住Celine。

昨日節目播後，Celine好興奮咁話：「我而家好開心，四個judge (評判) 俾我四個 yes，我會繼續努力嘅！」至於阿爸Steve對囡囡都有期望：「集中精神做好自己，希望為香港增光。」