早排頻撲幫4歲囡囡Krystal轉幼稚園嘅楊思琦，最近終於搵到合適學校，唔使再煩，可以開心放復活節假。今晚7點，記者就喺圓方商場見到思琦同媽咪、囡囡三代同堂行街街。

眼利嘅思琦，話咁快就發現記者，不過平時對記者採訪來者不拒嘅佢，今晚態度就有啲啲唔同，一見記者，佢嗱嗱聲叫推住BB車嘅思琦媽匿喺柱後。為咗轉移記者視線，仲專登放慢腳步，等媽咪同囡囡甩身後，思琦先放鬆心情同記者傾幾句。問佢係咪同屋企人食晚飯，佢話：「哦！唔係！我帶小朋友嚟學溜冰之嘛，都玩咗一、兩季啦！」