歐國盃●艾歷臣加油｜出事後首發IG報平安 親證無大礙需留院檢查
蘋果日報 2021/06/16 17:23
歐國盃艾歷臣加油基斯甸艾歷臣丹麥
上禮拜歐國盃差啲出現悲劇，丹麥中場基斯甸艾歷臣突然喺冇預警下暈倒場上不省人事，好彩艾歷臣家陣已經冇乜大礙，周一終於喺事發後首次出IG報平安，多謝球迷對佢嘅關心同祝福，大家可以鬆番一口氣啦！
有球迷用畫像向艾歷臣打氣。
有人舉banner支持佢。
亦有小朋友寫低祝福。
艾歷臣喺上星期六丹麥對芬蘭嘅上半場尾段突然暈倒，經過心肺復蘇法之後先恢復意識送院，期間更據報一度心臟停頓，後尾經搶救先醒番，令成個足球界都非常擔心。幸好艾歷臣已經冇事，日前透過傳媒回應話自己唔會放棄，佢禮拜一亦喺自己IG同球迷報平安，好多謝大家咁關心佢。
呢位丹麥中場話：「你們好嗎，多謝來自世界各地嘅你哋為我送上窩心嘅祝福同慰問，對我同屋企人嚟講都係好有意義，我冇大礙啦，只係仲要繼續留院接受檢查，但我嘅感覺係OK嘅。現時，我就要為我嘅丹麥國家隊兄弟打氣，希望佢哋下場（歐國盃）加油，為丹麥隊而戰。祝福大家，艾歷臣。」
-----------------------------
想財富增值 就真係要眉精眼企
想財富增值就梗係要樣樣計到盡，即使係借貸時嘅回贈，都要攞盡最大着數！喺2021年4月1日至2021年6月30日期間首次提取貸款，可即場獲獎賞現金高達港幣$5,000▲！
利用轉數快，足不出戶就完成手續，仲可以實現貸款瞬間過數^，星期日都照批★！。
推廣期由2021年4月1日至2021年6月30日(包括首尾兩天)
須受條款及細則約束，詳情留意邦民日本財務(香港)網頁。
忠告：借錢梗要還，咪俾錢中介
放債人牌照號碼：1328/2020
查詢及投訴熱線：3199 1199
-----------------------------
-----------------------------
《體蘋果》陪你睇波講波