【《牛下》兄弟叫加油】曾偉權傳患肺癌 歐瑞偉:我知佢唔舒服
鄭敬基歐瑞偉吳岱融曾偉權牛下女高音
58歲的曾偉權去年10月被發現消瘦不少,精神亦大不如前,當時他透露因為肺部免疫系統出現問題,只需以藥物控制病情,並且不能做劇烈運動;至去年11月他出席劇集《牛下女高音》宣傳活動時,被問到病情時他未有多言,只表示休養中,暫時不會接拍劇集。及至上月《牛下》一班中佬鄭敬基、歐瑞偉、吳岱融和蔣志光到馬來西亞做慈善騷,曾偉權因病臨時缺席。《蘋果》接獲獨家消息指曾偉權最近發現肺部有黑點,經化驗證實患肺癌。
記者幾位《牛下》中佬了解,他們均相當口密揚言不知情。身為曾偉權老友的歐瑞偉,被問到曾偉權疑患上肺癌時窒了一窒,然後說:「我知佢唔舒服,佢冇同我講過,我真係唔知,之前出席《牛下》宣傳活動,淨係知佢唔舒服,我哋叫佢加油,小心身體,咁佢唔講,我哋又冇主動去問。」最近有否聯絡曾偉權?歐瑞偉說:「新年嘅時候,我哋有聯絡,大家都有互相恭喜發財,身體健康,不過我而家都忙緊《愛‧回家》,遲啲搵吓佢。」
吳岱融就表示:「我知佢有病,其他唔係好清楚,由當事人自己講啦!」鄭敬基也說:「1月我哋原本去吉隆坡做慈善騷,但佢因為唔舒服,所以冇去到,我唔知詳情;我而家出席緊喪禮,因為我大姨丈出殯,所以唔方便講住。」
-----------------------------
第三屆最港電影大獎
按此立即投票 -----------------------------