2009年係先苦後甜的一年,苦的日子短、甜的日子長。在多國政府齊心合力救市下,全球經濟在首季成功度過低谷,隨即出現復蘇,且勁度十足。有誰估得到救市嘅效果可以咁勁,全球股市由低位大幅反彈,港股更在11月中昂然衝上23000點大關,較3月9日的低位11345大升超過一倍,好多股票嘅升幅更以倍計,只要有貨在手,人人都賺到笑,今日大除夕,值得開香檳慶祝,送舊迎新,祝大家迎接一個更豐盛的2010年。
今年新股排住隊上市,以200個交易日計,平均3日就有1隻,有大升幾倍的,也有潛咗水而上番水面的,亦有唔少係仲在水底。匹克體育(1968)終於擺脫「破底」一族,昨日最高4.45元,收4.33元,升0.15元。匹克在9月上市,招股價4.10元,最低見3.30元,本月8日推介時為4元,中線睇5元,可持有。
中信資源(1205)聯營的澳洲煤礦企業MacarthurCoal(MCC)最近進行連串收購礦產行動,包括斥資約45.7億元,全面收購澳洲同業GloucesterCoal,以及約34億元收購4個煤礦權益,其中兩個項目是以7.3億元向中信資源購入。收購完成後,中信資源將持有MCC19.2%權益。