台灣組合飛輪海前成員吳尊近年忙於拍真人騷同返大陸搵「人仔」，今日佢難得「返」台灣出席公開活動，佢話自己噚晚一到步，即刻約舊隊友辰亦儒及兄弟唐禹哲等人打籃球。

提到吳尊另一舊隊友、早前盛傳受感情困擾嘅炎亞綸（新聞連結： https://bit.ly/2zBv3em ），吳尊話：「我們一直有聯絡啊，他很OK的，尤其現在同時在發片，專心工作最好。」至於有謠傳話林宥嘉首《浪費》疑似描寫炎亞綸與汪東城之間嘅曖昧（新聞連結： https://bit.ly/2FXbOBl ），吳尊就嗤之以鼻話：「這大家亂想的啦，你問林宥嘉就知道啦！肯定不是。」

對於舊隊友成為八卦新聞主角，吳尊話以前隊友之間都唔會問彼此嘅八卦新聞：「我有老婆的時候，他們也不會來探問我，工作時把工作做好就是了」。

提到台灣呢排興男團懷舊風，吳尊也期望飛輪海能合體，佢話：「大家都希望有機會能聚會，氣氛很好，有機會的。」而吳尊今次訪問，會順便為佢自己同吳建豪合資嘅烘焙坊做一日店長，公私兩忙。

精選娛聞，喺晒《娛果》
http://fb.com/appledailyent