隨住AKB48大勢已去，乃木坂46嘅支持率又創新高，目前已成為東灜藝能界嘅銷量保證。

乃木坂主將白石麻衣嘅大熱寫真集《Passport》至今已累積20萬本，成為本世紀嘅寫真女王，連帶乃木坂其他隊員都壟斷2017年寫真銷量榜前五名。乃木坂今年3月推出第17張冠軍單曲《大影響家》（Influencer），由白石麻衣、西野七瀨打孖上擔任Center，銷量靠兩位主將帶挈亦韌力十足，近日累積達100.1萬張銷售量，係乃木坂組成以來首張賣出逾100萬張嘅細碟，成績進一步受到肯定。