溫拿五虎譚詠麟、鍾鎮濤（阿B）、陳友、彭健新同葉智強，今日喺將軍澳為《溫拿精神》拍攝MV，五虎指歌曲嘅意思係帶出溫拿與大家一同成長，鼓勵大家，有團結精神。

提到阿倫之前爆健仔有意解散溫拿，問佢哋今次係咪最後一個MV？阿倫話：「有人洗心革面……健仔呵。我話咗尊重合約精神，永遠都唔會隨便爆人嘢。」

健仔即解畫說：「我完全冇呢個意思。」之後大家齊聲說：「我哋neversaygoodbye。」陳友亦大呼：「唔好瞓，溫拿精神！」

提到近日有批評指Twins入行15年，係害咗香港樂壇，阿倫表示：「唔可以咁講，香港樂壇過咗唔同嘅階段，百花齊放，嗰個階段係另一種花，佢哋打筋斗（編按：應為側手翻）幾好呀，有一段時間我都想同阿B打筋斗。」