歐洲金融危機進一步惡化，此情此景頗有08年雷曼爆煲前的味道，買咗股票咪話唔驚。雖然中國受到外圍經濟影響應該較細，但令人驚訝的是中國股市卻是近月區內跌幅最大的市場之一，今年計，上海A股下跌了21%，深圳A股跌16%，同期日股只跌3.4%，韓股跌3%，台股則跌7%，港股無可避免受中國股市拖累，今年累跌10%，也是區內表現較差股市之一。
至於歐洲作為金融風暴之風眼，今年股市跌幅也比中國要細，以昨晚開市早段急跌時計算，德股今年以來仍有輕微升幅，英國富時100指數跌4.6%亦算溫和，法國則勁跌11%，因美股今年以來表現不算特別惡劣，周二晚計美股三大指數都仍有升幅。

真明麗半個月跌3成

中國股市跌得特勁，或受到中央收緊銀根影響，但展望未來，中央或會放寬收水步伐，反而業務面向歐洲的公司將十分高危。除了航運股一些亞歐航線運費大有可能下跌之外，滙豐控股（005）估計受歐洲金融風暴影響較大，另一隻思捷環球（330）近日股價亦見急插水，相信下試去年低位機會相當高。
出口股則肯定首當其衝，真明麗（1868）雖然極力發展內需市場，奈何出口仍佔相當比重，近日股價急跌，公司日前已發聲明指不悉近日股價跌因，並指近期不利市況對公司無重大負面影響，而接單量亦符合2010年增長目標。
真明麗昨日續跌4.8%，收報4.12元，由今個月高位5.85元跌至昨日已唔見三成，咪話唔傷。
歐陽風