台慶頒獎禮話就話玩投票，但成個港姐「直選樣版」你睇。一係就埋門一腳話down機，一係欽定兩個人名俾你二揀一。咁即係冇得揀啫﹗而且你話無綫班高層如珍姐樂小姐梁家樹唔插一腳？冇人信囉。

今日有報道出0左個「台慶得獎名單」率先爆，賽果如下﹕

最佳劇集﹕《大太監》(11月5日首播)
最佳男主角﹕林峯《雷霆掃毒》
最佳女主角﹕楊怡《名媛望族》(10月22日首播)
我最喜愛的電視男角色﹕陳豪《天梯》
我最喜愛的電視女角色﹕鍾嘉欣《護花危情》
最佳男配角﹕古明華《巴不得媽媽》
最佳女配角﹕陳茵媺《天梯》
飛躍進步男藝人﹕羅仲謙《巴不得媽媽》
飛躍進步女藝人﹕岑麗香《巴不得媽媽》
最佳綜藝節目﹕《盛女愛作戰》

《巴不得媽媽》連掃三獎？古明華得獎實至名歸，但香香公主戲齡尚淺，如何「飛躍」？《飛虎》嘅馬神冇可能差過林峯卦？楊怡喺《Oncall36小時》都好得，但又…不過講到好戲，點及《大太監》嘅米雪呢？咁最佳劇集如果真係《大太監》，咁黎耀祥又點解得唔到視帝？
都係嗰句，認真你就輸了。