韓國馬舞大叔PSY憑一首《江南Style》走紅國際，出入坐靚車，有保鑣跟尾不在話下，出埠都坐私人飛機。

今次PSY嘅私人飛機就飛到香港，拍攝韓國名品牌SOUL耳筒廣告。呢個廣告喺尖沙嘴文化中心對出海旁拍廣告，導演，係老翻PSY——錢國偉。

廣告內容係話，錢國偉飾演一個普通肥佬，戴咗某品牌耳筒後，勁到可以變PSY，跟住正版就現身喇，喺跑車前同9個舞蹈員一齊跳舞，再講句：「everybodycandancejustlikeme.」

PSY今次拍呢個廣告，酬金千萬，而且排場好勁，錢國偉一早到場打點不特止，仲要喺休息帳篷外等PSY出嚟影合照。

至於交通工具方面，PSY坐勞斯萊斯到場，走嗰陣保鑣仲跑住跟車尾。