林一峰和ERROR今日在九龍灣錄影音樂節目《Chill Club》，林一峰本來今年3月會在麥花臣舉行兩場演唱會，受 疫情 影響無奈取消，今日見他明顯消瘦，原來早前為演唱會積極準備，他說：「因為學緬甸拳，為咗操順啲條氣同body，而家好可惜一切停頓，不過創作表演長期都可以做。」至於演唱會日期相信要延期至明年，稍後5月初會推出新碟，希望印刷各樣一切順利，不擔心銷量情況，因為難以控制。

林一峰近期打拳打上癮，不過因為社交距離問題，暫時不能去拳館學習，惟有在家拉筋，留家創作及下廚，上月更茹素：「所以大家見我再瘦咗。」妹妹林二汶也經常keep fit，兩兄妹可以互相交流，林一峰笑說：「佢都好錫身好健康，係唔郁啫，佢唔食我煮啲食物，因為太齋。」又表示不會拉二汶齊齊學打拳：「唔好拖累我，佢有佢打坐，佢都好忙，肥瘦唔緊要，健康最緊要。」

ERROR 近日推出新歌《我們很帥》，在節目中獻唱，錄影過後主持羅敏莊給予意見，批評肥仔把聲雖然好，但高音有待練習，提議組合可以多跳舞，批評聲音落在肥仔身上，他沒有因此氣餒。而阿Dee則笑稱：「人哋已經confirm咗我同193唔識唱歌，對我哋冇要求。」ERROR正在為拍攝節目《ERROR 自救TV》籌備，有新驚喜給觀眾。