現時都有唔少人會用電動牙刷刷牙，乾淨就乾淨，都點都用手拎住牙刷，兼且都要刷上分鐘；如果想又快又乾淨，可以諗下上Kickstarter支持一下Amabrush這款革新產品。Amabrush雖是一個自動牙刷，不過外形同平時所見的牙刷唔同，反而似足一個牙套，刷牙時只需將整件產品塞入口中咬住，全程唔需要用手拎住，10秒鐘就可以刷完牙。產品共分為3部份，包括主機、牙套及牙膏膠囊，只要將牙套接上主機並加入牙贏膠囊就能使用，原理是一次過同步清潔所有牙齒，有效消除99.99%細菌。

Amabrush想當然可以防水，同時亦能夠無線充電，充一次電可以用到1個月，牙套就3至6個月更換一次，睇落都幾方便。難怪原本Amabrush預期集資額只需50,000歐元，但好快已經達標，未到2日集資額已超過300,000歐元（集資期直至8月5日），今年12月將可順利出貨。成套自動牙刷最平支持價只是69歐元（約$615），不過名額一早就爆滿，而現時最低價都只是79歐元（約$704），都算得上好合理；牙膏膠囊就可獨立購買，每個膠囊售價只是3歐元（約$27），已可用足1個月，還有Extra　Fresh、Whitening及Sensitive三種口味可供選擇，設想又幾周到，值得支持！

資料來源：Kickstarter
記者：布偉倫

2017果籽繼續認真知味。識買惜用。行以求知。好事多為。重修舊好。
緊貼果籽報道，即like： http://fb.me/AS.AppleDaily