【新增動新聞】
國家主席習近平訪港，交通封路、商場掛起紅旗，但700萬港人各有評價。做售貨員黃先生劈頭第一句說：「佢玩哂架啦，有乜好講。」他認為習近平來港是「示威」，街邊多了警察查身分證、地下磚頭用膠水加固，用大陣仗對港人宣示權威，「示威囉、顯示主權囉，即係話畀你聽咁大陣仗，叫你班人唔好再玩。」

讀中三的丁同學指，港人想向習近平反映不要假普選，可以聽聽香港人心願，「你其他方面選區議員啊、選立法會議員都一人一票啦，你單單選特首唔可以一人一票，咁覺得有啲可惜囉。」自己3年後屆滿投票年齡，但對新任特首林鄭月娥不抱期望，不覺得下屆特首選舉有一人一票。

90後陳先生任職廚師，他坦言：「我真係唔識佢（習近平），所以真係唔知有咩講。」他希望習近平幫忙香港改善貧窮和上樓難問題，「（回歸後）生活差咗，人工根本跟唔上通脹，差啲都話好啲，至弊差好遠。」梁小姐希望北京可幫助香港發展經濟，但不必介入香港事務，「始終香港都係自己，我覺得佢會畀好大自由度我哋，畀返自己香港人解決。」

就讀大專4年級的吳先生表示，只想對習總說：「祝你好運，因為佢可以睇到佢想睇嘅嘢。」從事鐵路工作的余先生就想對習總說：「你顧掂自己嘅國家先」，他指現時經濟出現泡沫，中美兩國「鬥印銀紙」，難保兩國經濟出現危機，又指現時歐盟「笠笠亂」，一旦全球經濟大蕭條，將會有很多人失業。

從吉林來港遊客劉小姐說，不知道可以跟習近平說什麼，也沒有思考他訪港意義，「從來沒有想過這個高深問題。」