當年今日
關於我們

【因受傷腰斬演出】吳美英撲向蓋鳴暉不慎仆倒受傷送院治療

蘋果日報 2015/02/24 06:00

受傷中醫送院腳踝求醫新光戲院蓋鳴暉骨裂吳美英聊齋驚夢元海

蓋鳴暉同拍檔吳美英噚晚喺新光戲院,演出一連四場粵劇《聊齋驚夢》,點知演至中段時,發生意外,更令演出要被迫腰斬。事緣吳美英當時要做出一個撲向蓋鳴暉動作,點知唔小心仆倒受傷,經駐場中醫初步診斷後,最後要送院求醫。而今晚第二場演出,則由第二花旦羅家英徒弟鄭詠梅接替。

據盛世天劇團負責人元海表示,原來吳美英右腳近腳踝位置有啲骨裂,但吳美英噚晚仍堅持演出,元海表示:「醫生話吳美英右腳踭位有啲骨裂,但佢堅持做埋之後幾場,但會減少啲動作。」

至於噚晚腰斬嗰一場,佢表示暫定下月三日加開一場,讓持有噚晚票尾觀眾補睇全劇演出。