危險是真的，不騙你，尤其今天，稍稍行差踏錯，大好一個campaign就會浪費掉，不由你不金睛火眼，打醒十二分精神。
上周人忙網絡更忙，公關災難紛至沓來。這邊廂連卡佛揮春創作遊戲玩出個大頭佛，個app出了幾個鐘就因網民實在太有創意被腰斬，不只鬧中共、倡港獨，連「貴到離譜」都有，唉，你鼓勵User Generate Content，創意無限的網民也就老實不客氣，玩得UGC就要預咗啦，Mary只是不明白，明明高貴上等的連卡佛，在波場搞搞high-tech新意思就是，何必要跳入公海和網民肉帛相見？
那邊廂Nikon又來一單攝影比賽變改圖比賽。話說新加坡Nikon搞年度攝影比賽，如常公佈結果，點知勝出照片梯級盡頭的飛機被網民發現是合成拼湊出來的，結果網民起哄，二次三次創作此起彼落，飛機給改成占士邦、黑武士、哥斯拉……當然也包括Canon的logo。

「瘀」就梗喇，但Nikon管理層反應算快，不很久就出了個非常得體的官方回應，除為「大意睇漏眼」致歉，更話深信「視像應充滿創意與想像」，最重要是大讚網民夠創意又搞笑，對N次創作表示歡迎，嘩，冧網民冧到出面，唔怪得之網上反應大致認同，估唔到一個畀番少少幽默感嘅回應轉眼間又化解咗危機。
網絡是有危有機的，視乎閣下品牌是否有這種應變的速度和態度。上周之嘛，美國老麥隆重推出芝士條，但就俾網民狂轟芝士條搵滴芝士都冇，相都貼埋。你有你老麥出盡法寶化解危機，其他餐廳大抽其水，係咁tweet啲芝士滿到漏瀉的芝士條圖，大呼「芝士在這裏！」笑壞了隔岸觀火的Mary！

彭瑪莉
mailto:[email protected]