「12號我仲同大Sir傾電話，佢喺office，佢日日都返工㗎！」雖是百歲高齡，鍾士元心繫政事，每天仍在看護照顧下到辦公室睇報紙、看世事；離世前兩天，秘書剛好放假，大Sir自己接電話，前民政事務局常任秘書長李麗娟說：「我問佢生日會開唔開心？佢話非常開心，仲話屋企廚房裝修完就搵你哋上嚟食飯」，豈料本月3日於禮賓府舉辦的生日會，已是最後的晚宴，「大Sir最後一句係：記得幫我多謝林鄭！」

記者 許偉賢

月初雲集一代政壇猛人李鵬飛、陳祖澤、唐英年、梁錦松等人的盛宴，一張大合照令人懷緬那些年，「吖，其實冇Plan㗎，我哋行到嗰度見有啲梯級，就話不如停低影張相...嗰張相，真係好珍貴。」76年調任行政立法兩局議員辦事處（OMELCO） 、人稱「媽打」的李麗娟是大Sir歷年生日會的搞手，憶述94年首場生日會在她家裡舉行，座上客除了梁錦松與陳祖澤及獲大Sir物色為醫管局首任行政總裁的楊永強，更有剛巧由馬來西亞來港的楊永強雙親，「好記得大Sir話呀：今年做咗，就要年年做㗎嘞！」

壽宴傳統確實一直保存，直至80歲大壽卻鬧出小風波，時任特首董建華當年欲為大Sir於禮賓府擺大壽，事件提早曝光惹批評，與大Sir同為首屆行會成員的民建聯前主席譚耀宗憶述，「當時大Sir好唔高興」，最終壽宴告吹。及後的生日會，多數在灣仔會展的金紫荊舉行，參與人數也愈來愈多，名單亦由大Sir親自擬定，其中包括食衞局前局長高永文。

「多謝Sir SY收納我入佢個朋友圈，我喺佢個朋友圈，係小朋友嚟㗎，只有一個人細過我，就係（前律政司司長）黃仁龍」，原來黃仁龍外父是大Sir世交，有別於其他賓客，獨黃太尊稱鍾為Uncle；而高永文與大Sir之緣，始於1988年，大Sir為成立醫管局巡遊各醫院聽意見，當年服務於瑪嘉烈的高永文首度見識政壇高人；其後高是醫管局轄下一個小組委員，與大Sir接觸增多，「雖然我好junior，佢（大Sir）則好地位崇高，但佢好尊重大家，冇階級，唔會高高在上」。

高說創立醫管局難度高，既要化解補助醫院擔心失去自主權的反對聲音，也要擺平公家醫院公務員憂失鐵飯碗的反彈，但最終大Sir以高度政治智慧，與各持份者談判，「佢仲曾經為此直接去搵時任布政司」，最終順利拆彈，「我好佩服佢有先見之明，90年代已經叫大家搞電子病歷，唔使大家只係用張咭，但當時互聯網又冇咁發達。」政府終在2016年推出電子健康紀錄互通系統，時任食衞局局長正是高永文，「我入咗政府後，大Sir都不時提點，成日分享好多中英談判、兩局時代嘅往事，我哋學到好多嘢。」

除了生日會，大Sir也不時與兩局議員飯敍，前兩局首席非官守議員鄧蓮如返港之時，也就是開餐之際。媽打記得某次嘉賓包括李柱銘、司徒華、劉千石、李鵬飛、梁智鴻、許賢發與何承天，席間不少得李柱銘說的少少鹹多多趣笑話，「Lydia（鄧）仲同華叔講笑：你唔睇我，我咪嫁個白頭佬（唐明治）囉」。李柱銘說過，鍾士元於政壇沒有敵人，媽打見證過大Sir政治立場上的硬淨，「有次佢主持個會，華叔一入去就舉手問：『我哋唔係應該選舉主席咩？』；大Sir反駁：『你鍾意就開會，唔鍾意就離開』...就算政見唔同，佢哋都互相尊重。」

如果當年前港督衞奕信沒有「嚇」鍾士元，指「如果退休人士之後唔做嘢，平均5年之後就會死」，88年卸任行政局首席非官守議員的大Sir未必出山協助籌組醫管局，而99年退任特區首任行會召集人，才是真正退休之始，不在其位，不評政事，連帶身後事也叮囑家人低調辦理，媽打說：「大Sir同阿仔講，（如自己離世）做好晒啲嘢先好通知我啲朋友，我話點得呀？唔畀我哋嚟，點多謝你呀！」今天香港殯儀館內，重量級人馬再聚首，向一代政壇教父道謝。

九西補選●倒數 3 天
http://bit.ly/appledaily1125