又到聖誕,又到聖誕!真係1年容易好快過。星俠在此祝各位股友聖誕愉快,過完平安夜唱完聖詩後,下周三港股重開炒作得心應手。
中交窩輪登場,正股(1800)亦因而炒起。中交上市還未夠兩周,已經可以發輪,較以前已大有「進步」。姑勿論如何,容許發輪,無理由即時通知就立刻發到輪,事前有關方面一定有溝通。星俠懷疑中交上市首日由高位7.80元「撻」至低位報收,會唔會係壓價待窩輪上場時再炒過?
星俠愛股國壽(2628)再創新高,真係心想事成,亦足證A股概念威力強勁,君不見除了國壽,連提出發A股嘅海油服務(2883)及首都機場(694)都爆升!國壽發A股,平保(2318)又話發,剩低嘅中國財險(2328),若市場有人估佢會發A股,亦屬正常之揣測。