吳日言睇準商機，早前投資o左十幾部飛鏢機器返上海，佢話半年已做到收支平衡，覺得好開心，佢話：「玩飛鏢我係初級組，所以同新手溝通比較容易，有時都會親身落場教o的女客人掟鏢技巧，一齊切磋o下。」

好彩吳日言o既普通話都見得人，所以溝通唔成問題。佢o係上海仲品嚐好多美食，包括出名o既大閘蟹同小籠包，佢話：「仲一次過食o左十串羊肉，巡視業務之餘仲可以大吃大喝，真係不枉此行。」