踏入球員生涯尾聲，港足前隊長陳偉豪開始轉型，年前有機會嘗試評述英超，今季獲《蘋果》體育邀請寫專欄，他笑言可加深對英超認識，豐富自己評述工作，雖然貼士未必準，但以球員角度分析賽事或有不同，他說：「同《蘋果》關係向來好，從來唔托記者手踭，自己睇《蘋果》多年，尤其鍾意睇動新聞，覺得搞笑有娛樂性；如果要揀睇一份報紙，就係揀《蘋果》，因為報紙有自己立場，亦得到好多港人認同。」

陳偉豪是體院足球部其中一個末代球員，曾代表香港出戰深穗兩地青年賽，又踢過城運、全運等，最近表態有意參選立法會的他坦言，香港球員訓練時數明顯不及中國，但意識與戰術執行上差距未算太大，他認為香港球員比較優勝之處，可能是從少踢足球比較少規限、較自由，踢法相對較靈活多變，他說：「球會經常到國內集訓同友賽，近年賀歲盃間中邀請國內球隊參賽；2003年中港聯對皇馬表演賽，有機會同郝海東、李明等六名當時中國隊主力操練同比賽，見識到依種級數球員嘅技術體能，當中對郝海東印象最深，佢基本功好，同佢哋合作得益良多，亦開眼界。」

晉升大港腳後，陳偉豪成港隊主力，可惜幾次因傷未有太多機會在大賽與中國隊交手；2015年，香港在世盃外作客深圳，陳偉豪正選領軍，怎知數分鐘便因傷退下火線，但港隊全場受壓下賽和0：0，陳偉豪坦言由備戰到傷出、到完場過程依然印象深刻。中港在世盃外再同組，已甚有話題性，而中國足協賽前推出的「多層次」海報，令當時已出現的矛盾進一步浮面，也將賽事推到另一層次，他說：「其實賽前已好有話題性，連平日冇留意足球都注視，作為球員當然特別認真備戰。」

以往港隊賽事，就算足總免費派門票也沒太多球迷到場，但當屆四場主場賽事一票難求。「如果體育同政治結合可以有正面效果，其實都不錯，主場對中國爆滿，賽事有大量報道，雖然明顯同政治問題有關，但站喺球員角度，其實未必係壞事，好多國家都喺咁，好似奧運金牌榜，似係話畀大家知自己國家有幾厲害。」至於港足應否努力追趕中國水平，他有另一番見解：「兩地足球係有距離，但中國喺國際上成績唔理想，香港只係更差而已，其實香港冇必要同中國比，要追都應先追泰國同越南等起飛中亞球隊。」

-----------------------------

打國際線 《蘋果》英文版免費試睇 按此了解更多
英文版已登錄新版《蘋果》App按此下載/更新
--------------------------------
《體蘋果》陪你睇波講波

https://www.fb.com/appledailysports