鄭中基、顏卓靈(Cherry)主演、新晉導演馮志強執導嘅電影《大樂師．為愛配樂》，喺一班演員同埋一班演藝界嘅朋友，好似有劉德華、鄭秀文同楊千嬅等人嘅打氣下，場數同票房都有起色，噚晚導演馮志強同蔡潔去咗旺角嘅謝票，顏卓靈就單拖去咗將軍澳謝票。

喺謝票嗰陣，發生咗一件事，令到Cherry覺得好驚喜！除咗知道有一個男fans睇咗6次之外，原來C AllStar嘅安仔去咗偷偷捧場，當佢發現安仔之後，即刻好興奮咁叫佢同觀眾分享，安仔話好佩服Cherry為電影苦練鋼琴，仲話：「o依家嘅生活環境同習慣，令人忘記愛就係咁簡單直接，呢部電影好值得支持，帶我回歸返心底最基本嘅感受。」Cherry之後好感動咁同安仔抱抱。

因為要去馬來西亞拍戲嘅關係，本來Cherry講過唔再謝票，點知今次食言，佢話：「我真係好掛住愛錫我哋嘅觀眾，好想親口多謝佢哋、同佢哋交流，所以臨飛之前都要再嚟一次謝票，希望人傳人，集合大家嘅力量為咁好嘅電影打氣。」

精選娛聞，喺晒《娛果》
http://fb.com/appledailyent