協助西德贏得1990年世界盃嘅一代名宿馬圖斯日前接受訪問嗰陣就非常睇好英格蘭，不過佢就話三獅軍團今屆想捧盃就仲未係時候：「英格蘭出產咗一班好有潛質的年青球員，我諗當四年後呢班球員變得更成熟嗰陣，到時英格蘭就好有機會衝擊世界盃冠軍。」

馬圖斯又話，英格蘭有呢班明日之星，英超佔咗好大功勞：「英超係全歐洲最艱辛嘅聯賽，擁有好多有實力嘅球會，而且仲有哥迪奧拿、高路普同摩連奴呢啲頂級領隊，令英超入面的後生仔成長得好快。」

不過講到今屆嘅世界盃，馬圖斯就依然睇好衛冕嘅德國：「我哋多年啲喺國內青訓入面投放咗好多心機，令國家隊再次壯大，當你睇到佢哋對西班牙嘅友賽，你就知佢哋今屆依然係大熱門。」

--------------------
係你！打造星級球隊，征服各地聯賽！立即加入『BFB CHAMPIONS 2.0』！ http://bit.ly/2xrTKGM