挑戰「脷」覺史上最辣 九宮格重慶老火鍋
蘋果日報 2002/01/12 00:00
對於一般人嚟講，麻辣火鍋已經係超級勁辣嘅火鍋湯底，但如果大家有試過深圳羅湖區「奔吃」重慶風味火鍋城嘅「老火鍋」，相信必定會知道乜嘢係史上最辣嘅火鍋！「老火鍋」湯底嘅勁辣度，比麻辣火鍋多出一倍，湯底更愈滾愈辣！喜歡食辣嘅朋友，絕對要挑戰「脷」覺嘅極限，試吓呢個正宗嘅重慶「老火鍋」呢！
記者：梁煒健 攝影：陳盛臣、龍宇略 ImageGirl：王雅璇、毛毛
記者：梁煒健 攝影：陳盛臣、龍宇略 ImageGirl：王雅璇、毛毛
老火鍋原名為「老灶火鍋」，已逾百年歷史。由於四川平民生活貧窮，食飯時均有乜菜料都會煮埋一齊大家食。原來鍋底分成九宮格，正好以便分隔食物。四川人嗜辣如命，自然辣料愈加愈濃！由於爐身以泥土做成，故名為老灶火鍋。經百年演變，改良至今稱「老火鍋」。
售價?30
勁辣度★★★★★
（5粒星最盡）
老火鍋最具特色就係鍋底呈現九宮格外形，主要用途原來只作分隔食物之用，並唔係每一格有唔同嘅辣度。不過，由於中間間格火頭最盛令湯底至滾，所以一般唔會放入辣椒，只供放入易灼熟如牛肉、牛百葉及鱔等食物。
有時食麻辣火鍋可以Order鴛鴦湯底，唔食得辣時，還可利用清湯底中和麻辣湯底；但老火鍋就用晒整鍋湯底，每鍋湯底用上1斤以上嘅大辣椒（約40隻）炮製，完全避無可避！將大辣椒以人手舂碎後，混以花椒、牛油、蒜頭、薑葱及酒泡米等配料製成湯底香料，由於香料會愈煮愈辣，老火鍋確係又香又濃，比麻辣火鍋更勁。
食得重慶風味火鍋，梗要食得與別不同，嘗試香港罕見的火鍋料。
呢類黃鱔以四川、湖南生產居多，需直接在農田中活擒。尺寸比一般鱔細條，冇乜魚骨兼肉質嫩滑。
例牌每碟?20
由於老火鍋辣味濃烈，清淡如九肚魚及鴨舌，易淥熟兼易入味。
例牌每碟?20
例牌每碟?12
鮮牛肚不經漂白程序，非常爽口。湖南及江西山區獨有嘅野生菌類茶樹姑，有益健康外，香港亦較少見。
例牌每碟售價：?18
例牌每碟售價：?20
如果閣下食唔到史上最辣嘅老火鍋，可求其次揀鴛鴦湯底，每鍋?25。其他較特別嘅生料，收費一樣便宜，如鮮鴨腸例牌每碟?15、黑毛肚每碟?15，而牛鞭則收費每碟?35。
除勁辣嘅老火鍋外，這兒亦有不少唔算太辣嘅菜式，值得大家一試。
雖然用上花椒八角及大辣椒作調味，但呢款香辣蟹仍保持肉質鮮甜，辣味唔算濃烈，香港人較易接受。鹹水中生長嘅肉蟹，肉質爽口又嫩滑。香辣蟹每隻重量約一斤，一般食客會吃兩至三隻。
每斤：?38
勁辣指數：☆☆1/2
以花椒、泡椒、辣椒、蒜頭及葱烹調而成嘅泡椒田雞，味道辣中帶酸，十分惹味，加上田雞肉本身非常嫩滑彈牙，送飯一流，而且每碟有成4至5隻田雞㗎！
每碟售價：?38
勁辣指數：☆☆☆
一樣以泡椒、大辣椒及蒜頭炒成。福壽螺屬於田螺類，size較為大隻兼易入味，所以煮熟後極具有重慶嘅麻辣風味。此外，福壽螺全由四川重慶空運到深圳，非常新鮮，每碟足60隻，認真抵食夾大件。
每碟售價：?28
勁辣指數：☆☆☆☆
地址：深圳羅湖區華麗路1023號首層
電話：86-755-5403229
營業時間：早上10:30至早上7:00
座位：300（另設5間包房）
交通：從羅湖關口前往，乘的士往約8分鐘，車費約?18。