官恩娜(Ella)、黃芷晴、姜麗文、松岡李那同師妹山內藍等,噚晚喺尖沙嘴出席服裝新店開幕,芷晴背部有lace通花,頗為性感,佢話爸爸黃日華唔會過問,仲話:「有時都會着低胸衫,Daddy唔介意,仲好開心幫我收集剪報,但如果要拍床戲,就真係要問准父母。」
負責行catwalk嘅Ella雖然輕露小蠻腰,但仍不敵山內藍露兩吋事業般性感,Ella話:「今日出兩次活動都露腰,12個鐘頭冇食嘢。」
山內藍曾在上海居住,故說得一口流利普通話,現留港則與松岡同住。咁有冇見過松岡帶男友林德信(Alex)返家?山內藍聞言即與松岡眼望望,笑道:「不知道,有嗎?有見過Alex,他得靚仔。」松岡透露將赴Alex舉行嘅聖誕派對,但強調兩人只屬於好朋友。