一名的士司機偷拍一名母乳媽媽餵哺母乳，並將照片放上網，其做法惹批評，的士業界亦不值涉事司機所為，直斥「唔道德」！

揸的士一年的姓陳司機認為司機偷拍照片放上網做法不當，「冇意思！」，並指即使安裝車內cam，拍得片段亦不會放上網，直斥：「咁唔道德！」他指餵哺母乳好正常，他遇到乘客哺乳，亦不會多加理會，相信今次屬個別事件。

另一名姓刁司機亦直言：「梗係唔可以（偷拍）！」司機安裝車內cam或為保障自己，但「唔應該放上網」。他稱甚少遇到乘客在車廂餵奶，遇到亦會「當睇唔到」，避免尷尬。

想睇最新消息？　即時follow【現場－蘋果突發】 fb！ http://fb.com/applecitycrime