輪候多年終獲編配公屋單位，但徐女士沒半點高興，皆因所配獲的屯門寶田邨單位，入伙兩個月以來，食水長期有膠味，變得「有家住不得」，兩夫婦皮膚更現敏感長了紅點。屋邨管理處建議她每次用水前應先開水約十分鐘，她認為這做法十分無稽。

「管理處叫我哋每次用水，就開十分鐘先好用，但咁樣好嘥水啫！我哋𠵱家都唔敢用，要問隔籬屋借水用，有時返娘家住幾日，或者沖完涼先返屋企，真係好慘！」
徐女士夫婦今年七月獲配寶田邨一單位，取鎖匙當日，她已發現食水有膠味，管理員稱新單位一定有這現象，並表示隔一段時間就無事。

皮膚敏感既痕且癢
徐女士忍受了一個多月，食水膠味仍無改善，夫婦倆的皮膚更因敏感長了紅點，又痕又癢。「啲水隔幾分鐘先揮發走啲膠味，沖涼時啲水遇熱，連個廳都聞到膠味。我耳背生咗幾粒紅點，我老公就頭皮同條頸都有，醫生話我哋皮膚敏感！」
徐女士稱，管理員解釋因該單位之前無人住，水喉長期無水流動，故初次用水會發出異味，建議她用水前應先開約十分鐘才用。她認為這做法十分無稽，她希望管理公司替她更換全屋食水管。