【抗暴之戰】市民矢言抗爭至「瞓低死咗」 促重啟選舉
蘋果日報 2020/09/06 19:37
重啟選舉立法會選舉抗暴之戰
9月6日原為四年一度立法會選舉的日子，惟港府早前借疫打壓選舉，其後全國人大決定延長立法會議員任期一年。有網民發起今午在油尖旺一帶遊行，反對港府硬推《國安法》及押後選舉。有響應上街的市民批評，港府是借疫情打壓選舉，並藉此硬推全民檢測，又表示不會懼怕政權打壓，至死一天都會堅持上街。
林小姐無懼上街被拘：
好多手足死嘅死拉嘅拉，佢哋咪仲慘？
市民林小姐指，今日上街是希望爭取盡快重啟公平公正的選舉，以及抗議港府種種打壓及不公，「已經冇晒言論自由、民主，又用《國安法》亂咁鎮壓我哋，無論點都會繼續出嚟」。林又表示，絕不接受議員以委任方式延任，認為人大決定是非法、有違香港核心價值，「接受委任即係認同佢取消立法會選舉……應該係要爭取雙普選」。
被問到會不會擔心上街有風險，林小姐不加思索回應「預咗」，嘆「我哋好多手足，死嘅死、拉嘅拉，佢哋咪仲慘？」認為安坐家中對爭取民主及自由毫無幫助，故自己會堅持繼續上街發聲。
吳婆婆堅持為下一代爭取自由
舉起「香港人團結」紙牌的吳婆婆指，今日原應是立法會選舉的日子，但因為政府取消選舉、剝奪市民投票的權利，故決定「盡良心」上街抗議，「要爭取我哋嘅權利……而家已經一國一制，我哋再唔爭取就冇喇香港」。吳又指，已有被捕的心理準備，「我都幾廿歲咯，預咗佢要拉我」，又表示即使港府以國安法「搬龍門」，自己仍會堅持上街發聲，「直至我瞓低死咗……一日生存都仲係要發聲，我要為我嘅子女、下一代爭取自由。」
舉起「香港人團結」紙牌的吳婆婆表示，自己會堅持上街發聲，「直至我瞓低死咗……一日生存都仲係要發聲。」
市民阿樂及阿琪結伴到佐敦「行街」，她們表示，在港府種種打壓下，暫時唯一可以做的就是上街發聲，寄語港人「抗爭方法有好多種，大家有能力嘅範圍內盡做」。
阿樂又指，雖然對選舉有所期望，但早已預計到會被押後，認為政府是借此推行全民檢測，「檢測中心好多都係cover返點票站，邏輯上係講唔通，擺明就係打壓、明眼人都知」。
市民阿樂及阿琪結伴到佐敦「行街」，她們寄語港人「抗爭方法有好多種，大家有能力嘅範圍內盡做」。
-----------------------------
《蘋果》英文版免費試睇：了解更多
-----------------------------
《本土情味》結集《飲食男女》雜誌經典欄目「老字號」文章，記錄香港40家飲食老店的動人故事，見證香港飲食史的甜酸苦辣。即日起，於各大便利店及書報攤有售，並於 《蘋果日報》你的優惠 網上獨家發售！