【新增影片】

颱風苗柏將於今晚最接近本港，暫時睇今日港股交易未必有太大影響，但明日開市與否，就要睇幾時落波。

家陣過咗午市，根據港交所（388）證券及衍生產品市場的交易安排，就係八號波發出15分鐘後就停市，主要分別嘅係3時45分前定後發出。若果3時45分前發出，就唔會有收市競價交易時段，但若係之後發出，交易日會維持正常，直至收市競價交易時段完結。至於期貨期權市場方面，若喺3時45分至4時發出，交易會喺4時15分停止，其他時間就係信號發出後15分鐘停止。

至於明早情況，若八號風球上午7時或之前解除，將如常進行交易。若上午7時至9時八號風球除下，開市前時段將被取消，早上交易時段則在風球解除後兩小時恢復交易，開始時間須為整點或30分，例如若風球在上午7:15解除，早上交易時段將於上午9:30開始。若上午9時後至11時期間風球解除，上午整段交易時段將被取消，下午交易時段將如常於下午1:00開始。

上午11時至11時半解除風球，交易時段將於下午1:30開始。上午11:30後至中午12:00期間解除風球，交易時段將於下午2:00開始。

掌握財經生活資訊，即Like「蘋果ATM」fb專頁啦！
http://fb.com/appledailyatm