各位社交網站小編，就算返工時間「丁癮」起，都唔好用錯米飯班主account like錯嘢啊！去季由蘇超降班嘅恩華尼斯，近日一躍而紅成為網民熱話，唔係否極泰來，而係因為佢哋嘅twitter周四竟然被發現like咗一段成人短片！雖然呢條tweet好快被刪除，又點夠一眾網民快手「圖已cap」呢！搞到球會周五急急發聲明，表示已經採取行動了解事件，並會防止類似情況再發生：「恩華尼斯管理層關注到球會官方twitter喺2017年7月27日黃昏造出我哋認為完全不恰當同難以接受嘅活動。球會立即採取行動刪除冒犯性資料，並立即封鎖賬戶；恩華尼斯亦已通知相關人士，目前正展開調查。」

球會搞壇咁嘅「關公災難」頭都大埋，但陣中守將米堅斯（Josh Meekings）就睇嚟食花生食得好開心，喺twitter被tag相關報道時畀咗幾個「笑喊」emoji，仲搞笑咁問「邊個負責」。