由延尚昊執導嘅人氣韓片《屍殺列車》前年上映後，喺各地叫好又叫座，喺香港上映時仲創紀錄，成為香港史上嘅韓片票房冠軍，票房仲撼贏《寒戰II》，認真犀利。

延尚昊拍完《屍殺》後，就即投入新作《念力》嘅拍攝工作，《念力》將會喺Netflix上映，而韓國會安排電影上映，韓國將於本月31號公映，至於香港方面就暫時未有消息會唔會喺戲院上映，不過睇返之前奉俊昊嘅《玉子》咁，港迷都可以喺Netflix上欣賞，據知Netflix將於下月全球同步播出。

由於《念力》係《屍殺》導演嘅新作，所以喺韓國都成為大家嘅話題，而之前《念力》嘅預告片短短三日已破900萬點擊，可見粉絲都好期待《屍殺》導演嘅新作。

而《念力》憬講述柳承龍偶然獲得超能力，並以超能力勇救女兒沈恩京嘅故事，片商方面就喺Instagram發起一個話題投票，當中就以「超能力者」為主題，公開投選各部門嘅超能力者，當中所投選嘅人物都好搞笑，包括擁有最強樣貌嘅超能力者為孔劉、趙寅成、姜棟元、鄭雨盛、蘇志燮。

最強演技嘅超能力者為宋康昊、最強吃相嘅超能力者為河正宇、海外獲獎超能力者就係朴贊郁同奉俊昊、恐怖片演技超能力者為廉晶雅」、最強美聲超能力為IU、韓流超能力者為BIGBANG、EXO及防彈少年團(BTS)等。

相關新聞連結：
《屍殺》導演新作《念力》預告首曝光 三日點擊已破900萬
http://bit.ly/2rkK3v5

更多韓流，喺晒《娛果》
http://fb.com/appledailyent