GaGa掃里安納度膊後盛傳不和
蘋果LadyGaGaKatyPerry里安納度狄卡比奧LeonardoDiCaprio即時OrlandoBloom金球獎頒獎禮奧蘭多布魯
LadyGaGa噚日喺金球獎頒獎禮中上台時隻手掃到里安納度,搞到兩人傳不和。
LadyGaGa唔理是非,心情靚靚同未婚夫TaylorKinney行沙灘。
里安納度個樣好似好嫌棄咁,搞到GaGa未婚夫唔高興。
KatyPerry被發現同奧蘭多布魯舉止親熱,疑似撻着。
美國天后LadyGaGa噚日喺金球獎頒獎禮中,上台領迷你劇及電視電影組視后獎時,行經里安納度狄卡比奧(LeonardoDiCaprio)身後,右手掃到里安納度膊頭,里安納度當時露出古怪表情,成為網上熱話,點知後來演變成二人不和嘅消息!
有指GaGa係故意掃里安納度,因為佢曾經嘲笑連GaGa都竟然有得提名。喺慶功宴上GaGa未婚夫TaylorKinney仲傳出同里安納度有啲爭執,因為佢覺得當時里安納度個表情似係唔尊重GaGa,要求對方道歉,又指摘里安納度唔專業。不過,事件冇影響GaGa心情,佢同未婚夫一早就去咗行海灘。
此外,喺慶功宴上KatyPerry就被發現同奧蘭多布魯(OrlandoBloom)舉止親熱,又俾人話佢哋可能撻着。