【阿仔揸機！】吳岱融闖十字路口喪跑 連越三線險象環生

蘋果日報 2018/06/08 00:00

尖東兵役十字路口吳岱融吳政樺
    現年58歲嘅吳岱融近年非常活躍，拍劇、拍戲不時都見到佢踪影，雖然之前有報道話佢手頭上有幾個物業，稱得上係隱形富豪，不過佢依然唔錫身，依然好拼博！
    《蘋果》噚日喺尖沙嘴同尖東交界嘅漆咸道，就見到吳岱融一身黑衫，手持住一個公文袋，嗰陣佢唔依交通規則咁跑過十字路口馬路，當時三線行車，險象環生。
    原來吳岱融正拍緊新劇，嗰陣有唔少途人喺天橋同馬路上湊熱鬧，佢來回跑完好幾次之後，就走去劇組工作員度商討如何走位拍攝，狀態好fit唔見佢喘氣嗌休息！吳岱融喺晚上將啲相放咗微博，佢話新劇現時只係開咗4日工，早兩日仲同龔慈恩有對手戲o添。
    《蘋果》之後都有打過畀吳岱融，佢話今日係拍《牛下女高音》：「喺部劇度龔慈恩做我老婆，講我好錫佢好緊張佢，佢叫我攞啲文件畀佢，我咪橫衝直撞過馬路攞畀佢囉，劇情係我行行吓，講佢打電話畀我叫唔好郁，我話過緊馬路冇得唔郁喎。」講到橫過馬路好危險，佢話劇組有申請拍攝，自己同工作人員好小心睇實環境：「梗係睇晒燈位拍啦，因為要配合埋啲車效果，所以要take多幾次先OK。」
    至於啲好有feel、放咗喺微博嘅一輯相，原來係出自阿仔吳政樺之手，吳岱融老婆鍾淑慧就話阿仔喺新加坡服完兵役，暫時未開學，要到下年先返新加坡讀書，所以現時阿仔返咗香港做老竇助手，要跟住老竇開工拍攝，又做埋攝影師幫老竇影劇照，順便爭取時間同老竇相處。
    精選娛聞，喺晒《娛果》
    http://fb.com/appledailyent
    empty
    攝影：卓寶花
    empty
    吳岱融唔依交通規則咁跑過十字路口馬路，原來係拍緊戲！
    empty
    拍完每一個鏡頭，佢都走去同劇組傾吓。
    empty
    吳岱融一啲都唔錫身，好爛做！
    empty
    已經開咗幾日工，對手有龔慈恩同汪明荃嘅紙板。（微博圖片）
    empty
    吳岱融將呢輯相放咗上微博，原來係阿仔幫佢影嘅。（受訪者提供圖片）
    empty
    （受訪者提供圖片）
    empty
    劇照唔係咁簡單，一瞬即逝，要捕捉到每個鏡頭都唔係咁易。（受訪者提供圖片）
    empty
    （受訪者提供圖片）
    empty
    （受訪者提供圖片）