《星球大戰》（Star Wars）瑩幕情侶嘉莉費莎（Carrie Fisher）同夏里遜福（Harrison Ford）傳過緋聞，連嘉莉費莎於自己回憶錄中都提過同夏里遜福有過一段緊張嘅關係，不過福伯就一路都冇正面回應過，直到最近佢接受雜誌《GQ》專訪，就再次被問到呢個緋聞，而今次亦係佢於嘉莉費莎逝世後首次回應。

被問到嘉莉費莎講過二人拍拖，福伯指：「呢件事對我嚟講好古怪。」記者又問到佢事前知唔知嘉莉會於自傳中講到佢？「唔……某程度上知。」咁又有咩感受？「我唔知呀，我唔知。你知啦，嘉莉已經逝世，我唔覺得我想講呢個話題。」

其實福伯同嘉莉嘅緋聞已講咗好多年，但因為當年福伯有老婆仲有2個小朋友，雖然之後離咗婚，但話題仍非常敏感。至於嘉莉就於回憶錄度講過二人因拍星戰而擦出愛火，又話覺得對方好英俊，自己對性方面又冇經驗，不過隨住部戲拍完，二人關係都告一段落。