當年今日
關於我們

【一個人冇壓力】《名單公開》盤點享受單身明星少時成員都上榜

蘋果日報 2016/07/26 06:00

蘋果香港韓國即時泰妍

做得藝人就有心理準備私生活會被公開,所以佢哋有時寧願享受單身生活,起碼拍拖時唔使擔心被狗仔隊跟拍,又怕粉絲唔鍾意,令到有啲藝人樂得清淨,一個人生活好過兩過人一齊。

而噚日播出嘅tvN節目《名單公開2016》,就選出圈中享受單身生活嘅明星,當中冠軍就係曾經同孔孝真拍拖十年嘅韓片《柏林諜變》男星柳承範,35歲嘅柳承範被視為一個去玩都完全冇問題,仲可以稱為高手,而且佢嘅愛好係研究時尚,被稱為演藝圈代表嘅「時尚大師」,可見佢將拍拖嘅時間專注喺時尚上面。

第二名就係綜藝節目《一日三餐》嘅劉海鎮,劉海鎮本身好多電影拍,而佢係登山愛好者,平日嘅嗜好就係登山,佢屋企喺北漢山旁邊,所以佢一得閒就可以立即去行山,加上佢仲鍾意飲紅酒同埋參觀美術館,所以基本上不用開工時佢已經冇太多空餘時間去識異性了。

至於第三位竟然係少女時代嘅隊長泰妍,佢去年同EXO成員伯賢分手,回復單身嘅佢未有投入另一段新戀情,本身係宅女一名嘅泰妍平日喺屋企都係自己一個人相處,從整指甲、玩手機遊戲到玩積木,佢都可以獨自一人去玩,唔使人陪,相當獨立。

第四位係韓片《屍殺列車》嘅馬東錫,佢嘅愛好係運動,平日喺屋企就想一個人過。至於《好運羅曼史》男星柳俊烈就排第七位,據節目講佢有唔少朋友,加上熱愛圍棋同旅行,所以一個人也唔覺寂寞。