陳寶珠今日喺鑽石山舉行個人畫冊簽名會，現場歌迷對佢讚口不絕，有影迷覺得寶珠姐好靚仔，又有人讚佢可愛，寶珠姐則覺得女扮男裝另有味道，更感激影迷很忠心：「佢哋為咗送我機，之前一晚唔返屋企，喺我屋企樓下借保安個位瞓。又等我拍戲到半夜，又要截麵包車走，o依家影迷唔及佢哋勁。」但輪財力，寶珠姐覺得現今嘅粉絲多錢啲。

另外，農曆年寶珠姐會喺香港過，兒子楊天經會上海回港，初一到恩師白雪仙屋企拜年。寶珠姐話之前送咗畫冊畀仙姐，但唔敢問意見：「聽人講佢睇咗，但我唔敢問，唔知佢會點講，佢唔講我又唔安樂，答我又唔知佢會問我乜。」