北韓昨日成功試爆氫彈，豐盛金融資產管理董事黃國英認為，此事是「無咩特別、無咩反應」，因為北韓之前的五次試爆，依然無礙股市處於最高位。他笑稱，「如果佢瀨野你都死咗啦，你攞住啲錢同股票都意義不大啦，但冇事的話（無貨）就瀨嘢啦，所以個市選擇唔驚都好正常。」

近日市場熱衷炒細股，黃國英指，投資者是「義無反顧」的炒上，又認為市場氣氛比指數顯示的好，許多股票都被「炒到癲晒」。黃國英指，導致炒細股熱潮的原因有二。一方面是因為業績過後，散戶認為細股有可取之處，另一方面，大市不斷上升，投資細股有助降低風險。他指出，非指數的股票的表現會「跑贏大市」。

恒指方面，黃國英認為，只要不跌穿27,500點指標即可，但如果在這個位置能多升100點左右，就可以追指數以「搏一搏」。

蘋果財經，關心你飯碗
http://fb.com/appledailyatm