【Second Life】我們與大英帝國的距離（杜夫人）
蘋果日報 2020/07/19 12:58
second life虛銀杜夫人Revolut
疫情下，英國市民用信用卡或記賬卡消費。
好遠。因為仲要平權。轉移資產則相對容易，開個離岸戶口就可以，英國虛銀門檻極低，既可調撥資金，亦可體驗別開生面的銀行服務，值得一試。
從來不質疑大家有幾鍾意香港，然而，在目前政經情況下，多一條後路也無妨。海外虛銀開戶門檻極低，多位朋友力薦英國虛銀Revolut，說低至10英鎊已可開戶，而且兌換外幣無隱藏手續費，唱錢時唔使俾銀行食差價。
於是杜夫人研究了一下，Revolut 2015年成立，至今完成4輪融資，集資共8.31億美元。不斷揼水，換來火箭式增長，首年上客10萬，5年後客戶逾1,200萬，亦可以睇成有超勁增長才有人肯科水，雞先定蛋先的問題，不深究了。
5年間業務不斷完善，翌年食正比特幣狂潮，推出虛擬貨幣交易服務；第三年推出月費版服務，最貴版為每月12.99英鎊，並獲得歐洲銀行牌照，客戶首10萬歐元受存款保障；去年業務拓展至澳洲及新加坡，同年推出碎股投資服務；今年業務版圖延伸至美國，客戶突破1,000萬人，搭上開放銀行（open banking）這列車，透過應用程式介面（API）與其他銀行或第三方服務供應商合作。簡而言之，一個App可以管理financial life，太好的唔多講，又唔係廣告文。
一度傳過Revolut來港發展，今年2月份網站仲寫明coming soon，至今都無乜聲氣。杜夫人唔清楚呢間英國嘢當初有無申請虛銀牌照，總之不在首批之列。當佢無放棄繼續申請，而金管局又真係會批出下一批的話，唔知當局係咪allow呢間經營買賣crypto業務的虛銀開業？又咁講，此時此刻的香港，係咪仲可以吸引外資嚟分一杯羹都另作別論。
既然未落戶香港，想試，惟有開立離岸戶口。要成功開戶，必備英國電話號碼、BNO和有效post code，此銀行不接受mail box。下載銀行手機應用程式後，揀使用地區，輸入post code就會locate到住址，再輸入其他個人資料，以信用卡過數存入100英鎊，暫時可免卻身份認證，基本上戶口就大功告成，虛擬記賬卡亦可即時使用，但有些限制，最多一年存入120英鎊。若要提款，便要提供認可的身份證明，例如英國駕駛執照、BNO等，香港身份證唔work的。
再說與大英帝國的距離，昨日去影相舖彩印特區護照，有位母親帶着小孩影幼稚園入學照，排後面的中年男人說要來影BNO證件相，這畫面和心情也夠複雜的。收銀妹妹把影印本遞給我時禮貌地說了句「再見」，令人鼻頭一酸，的確有點不捨，不捨那些人和情。回程坐了一趟巴士，窗外的風光，以後還有機會看到嗎？
第一次面臨去或留的抉擇，該怎樣好？
杜夫人
https://www.facebook.com/mrsmarydoo/
-----------------------------
-----------------------------