《阿淺來了》女主角波瑠改戲路接拍嘅TBS台新劇《其實並不在乎你》，因大膽嘅不倫戀橋段，開播以來引起網民熱烈討論，不過收視越鬧越好，大結局錄得14.8%，創下開播以來最佳成績。

戲中波瑠背住老公東出昌大，與鈴木伸之展開婚外情，而另一部以婚外情為題材、上戶彩主演嘅《晝顏》已拍成電影版上映，有指TBS已計劃為《其實並不在乎你》開拍續集，仲期待成績會超越《晝顏》。

而《其實並不在乎你》已於上周於原宿舉行慶功宴，當晚波瑠、東出昌大與鈴木伸之都有現身，報道話波瑠拍攝期間因批評備受壓力，好彩工作人員拍攝時不時為佢打氣，東出昌大亦於片場用道具鋼琴彈奏為波瑠減壓，所以慶功宴上氣氛都好好，波瑠都不時展露笑容，佢與劇組之後仲轉場玩，盡興而歸。