原來醉駕係會傳染嘅！繼英格蘭前鋒朗尼醉駕出事之後，北愛爾蘭主帥米高奧尼爾因涉嫌醉駕，喺周日凌晨被英國警方拘捕。事源48歲嘅奧尼爾喺周日凌晨零時55分，開車駛至蘇格蘭愛丁堡郊區嗰陣，就俾交通警截停，並以涉嫌醉駕拉左佢。

而北愛足總證實咗件事，但就冇任何評論。英國傳媒話，單案會喺下月10號開審，而咁啱之前嗰日北愛就要喺世盃外作客挪威，唔知到時奧尼趕唔趕得切出庭。北愛依家以19分，喺世盃外歐洲區C組穩坐次席，數字上仲有極微機會追過榜首德國，奧尼爾缺席的話，對國家隊都會有一定影響。