由宋仲基、宋慧喬主演嘅KBS人氣劇《太陽的後裔》今晚播第15集，承接上一段，講到劉時鎮（宋仲基飾）同徐大英（陳久飾）出任務時中咗槍，生死未卜，但軍隊因為搵到佢哋代表性命嘅軍牌，所以認定咗二人死亡，時鎮嘅上司去搵姜暮煙（宋慧喬飾），話要將時鎮佢哋嘅死亡秘密處理，以交通事故來處理，仲要暮煙簽保密協議。

失去時鎮嘅暮煙繼續堅強生活，暮煙亦只顧寄情工作，但仍然掛念住時鎮。暮煙相約尹明珠（金智媛飾）聯誼，又好奇問時鎮同大英點樣變成兄弟，明珠就話畀暮煙聽點解會同大英有交集，因為當時大英同明珠假扮拍拖，令明珠唔須要跟住父親安排同時鎮交往，此時時鎮同大英嘅兄弟情片段開始回憶起來。

雖然時鎮暫時被「賜死」，但畫面就出現咗時鎮同暮煙以往嘅甜蜜片段，暮煙仲幻想見到時鎮0添。

暮煙去難民區做志願工作，加上明日係時鎮嘅忌日，所以暮煙就去到時鎮離死嘅地方當地紀念時鎮。雖然時鎮生死未卜，但暮煙仍然傳短訊給對方，好似佢仲喺自己身邊一樣。暮煙帶住小菊花去悼念時鎮，又回想起以往時鎮同佢講嘅說話，就喺佢傷心之時，突然從對講機中傳嚟時鎮嘅聲音：「bigboss呼叫」，而佢之前傳畀時鎮嘅訊息全部都已讀，令暮煙大感愕然，對講機再次傳嚟聲音：「美人轉身看一下，over。」時鎮從沙漠上慢慢步向暮煙，暮煙即激動跑去時鎮身邊，暮塋話：「你還活着？」，時鎮同暮煙講對不起，二人情深擁抱。

第15集Part1
【太陽集集追1】宋仲基色心起想用視像睇喬妹沖涼
http://bit.ly/25ZPdrG

第15集Part2
【《太陽》集集追】死要見屍…宋仲基中槍喬妹悲慟
http://bit.ly/1Q6OrgJ