現年24歲嘅「文青女神」袁澧林(Angela)，去年浸會大學會計系畢業後，全力投入娛樂圈發展。

袁澧林之前拍過ViuTV嘅《三一如三》，而電影方面演出過《那一年，我17》及聲演《超級無敵世界波》。

近日袁澧林頻頻北上，為喺大陸發展努力，本月初就穿梭北京、杭州兩地。Angela嘅努力近日得到回報，早前嘅試鏡已經落實佢演出一套大陸電視劇，亦係佢首部古裝演出，近日將會喺橫店開工，同劇仲有還有香港演員宣萱。

另外，Angela同時憑住佢嘅脫俗氣質，獲導演徐克垂菁，有意搵佢喺導演嘅新作《神鵰俠侶》演出，據知，屬意佢演出原著中，不食人間煙火嘅小龍女角色，但仍要待呢兩日Angela喺北京同徐克導演見完面先有最後定奪。

精選娛聞，喺晒《娛果》
http://fb.com/appledailyent