【兒時偶像?】搵伊健做嘉賓 陳柏宇自爆學偶像留長髮被叫「姐姐」

蘋果日報 2017/12/03 11:24

伊健陳柏宇
    入行11年終踏上紅館嘅陳柏宇（Jason），噚晚完成《陳柏宇Speechless演唱會2017》頭場，全場爆滿之餘仲有周柏豪、方皓玟等都有嚟捧場，老婆符曉薇亦喺台下支持。而且全晚台上螢幕不時播出Jason同老婆嘅生活照公然放閃。
    Jason全晚又唱又跳兼落力o氹歌迷，喺演唱會中段台上出現一部白雲外形嘅道具車，Jason同觀眾講：「呢部叫『飛雲』，全名叫『機會嚟啦，飛雲！』可惜佢今日飛唔起。」然後就邀請一名女歌迷同佢一齊坐喺「飛雲」入面唱出《航拍》，喺Jason唱歌期間，該位女歌迷不停擺出心心手勢自拍，又同Jason頭貼頭、手拖手，搞到台下嘩聲四起。
    然後Jason用結他自彈自唱鄭伊健嘅《動地驚天愛戀過》嚟迎接嘉賓伊健出場，Jason話一直視對方為偶像：「我細個嗰時因為鍾意伊健，特登留長頭髮剪了咗個伊健頭，結果不停俾人叫姐姐或者妹妹，原來男仔無咁上下身高同靚仔真係不宜留長髮。」而伊健就笑笑口叫Jason唔好再提「兒時」、「以前」呢啲字眼，費事暴露年齡。
    早前Jason一直有意無意透露有機會喺台上騷肌肉，加上演出中段又話自己空有一副好身形但無機會除衫，終於喺尾段「找數」兩度除去外套，赤膊盡騷上身身材，引得觀眾瘋狂起哄，最後演唱會喺Jason唱出《告別之前》作結。
    empty
    攝影：仇志德
    empty
    入行11年終踏上紅館嘅陳柏宇（Jason），噚晚完成《陳柏宇Speechless演唱會2017》頭場。
    empty
    empty
    Jason全晚又唱又跳兼落力o氹歌迷。
    empty
    empty
    仲搵嚟偶像伊健做嘉賓。
    empty
    又邀請一名女歌迷同佢一齊坐喺「飛雲」入面唱出《航拍》。
    empty
    Jason喺尾段「找數」兩度除去外套，赤膊盡騷上身身材。
    empty
    empty
    嚟捧場嘅有Shiga、周柏豪、Tim@Dear Jane、陳詠謙。
    empty
    仲有方皓玟。
    empty
    亦都唔少得老婆符曉薇。