深水埗居民投訴稱，大埔道132-134號門前行人路，於八月開始已不斷有污水沿大廈牆身及行人路之間接駁位湧出，並沿行人路排放出馬路，令上址環境衞生極惡劣，更發出惡臭，路面又布滿污水，十分濕滑，行人出入極為不便。

污水湧出臭氣熏天
居民不滿說，「之後可能有人投訴啦，終於有政府部門用圍欄欄住個出水口，同喺地下加塊板，方便人行；不過𠵱家過咗成個月嘞，啲污糟水仍然係咁喺地下湧出嚟，流晒出馬路，依然臭氣熏天，咁樣積水真係好易滋生蚊蟲細菌，好影響居民健康啫！」
居民稱，此情況應與附近大廈後巷地下污水渠失修有關，「𠵱家政府做嘅嘢，只係治標唔治本，始終要整好啲渠先可以解決問題；希望啲部門唔好再唱慢板嘞！」
渠務署函覆本報查詢稱，渠務署投訴熱線於八月已收到上址後巷渠管淤塞的投訴，因上址屬私人物業，渠務署將問題轉交屋宇署跟進。至於有污水流出行人路，屋宇署正統籌有關維修事宜。
食物環境衞生署發言人亦稱，有關問題正由屋宇署等部門在跟進中。