【用家心聲】
明日開始，地產代理向買家提供二手住宅物業樓面面積資料時，必須提供實用面積，不少市民及準買家都支持新政策，但卻嫌有關部門在宣傳工作上有不足。
大圍名城業主周小姐指出，「幾十年前買樓都係計實用面積，但唔知點解之後會變咗用建築面積」，對於新規定，她認為對消費者有好處。不過現時對實用面積了解不夠全面，有關部門宣傳及教育不足。她重申，現時新樓窗台太大，「話就話實用率有75至80%，但廳、房都好難用」，這是難以在實用面積的數字上反映出來。

希望有免費查冊

李先生直言對實用面積計法有一定認識，並指之前買一手樓時，代理都是只報建築面積資料，實用面積都是靠自己睇樓書，強制需要向買家講實用面積當然歡迎。但對於二手樓，就不知道從哪一個渠道可以查詢單位的正確實用面積，「都係聽地產代理報畀我哋聽㗎咋！最好都係由政府免費提供一啲資料等市民自己可以搵到單位嘅面積」。
近日不斷睇樓的準買家羅先生謂，「講埋實用面積有好過冇啦，雖然寫明單位實用率有75%，但睇落最多值60幾（%）」，可能同牆身厚薄有關，希望計法與顯示方式更清晰，而查詢面積資料理應免費。
據地產代理監管局資料顯示，若市民自行查詢物業的實用面積資料，可透過土地註冊處及差餉物業估價署進行查冊，但都要繳費。