在電影《雛妓》中，柳俊江做回老本行扮演新聞工作者，一個為保工作而隱瞞真相的雜誌編輯，跟現實不平則鳴的他剛好相反。「戲裏面因為阿Sa嘅一篇報道，有機會令雜誌社被抽廣告，所以我個角色就自我新聞審查，臨時抽起佢篇報道。」柳爺指這類自我審查的事件除了在電影內發生，現實中他亦曾遇過同類事情：「唔單只我以前做電視台，𠵱家仲做緊傳媒嘅朋友都會訴苦，大家睇新聞亦會見到報紙換頭版，呢啲事𠵱家變得好普遍，見到會心痛覺得好唔抵，大家做咁多嘢將事實話畀市民知，但媒體就因為政治同經濟上嘅壓力而作出犧牲。」柳爺指正因為段戲碼，所以才答應演出。

離開了新聞主播崗位後，柳爺嘗試過不同工作，早前他與艾威惡搞房祖名於北京被捕的片，被網友大讚神似，對此柳爺笑說：「我係個鍾意搞笑、度橋度gag嘅人。當日去朋友舖頭，大家話不如拍條片玩下，而我sadness真係似（祖名），所以就拍咗。」雖然已有一隻腳踏入了娛樂圈，不過柳爺表示自己喜歡現時的多棲身份，無意簽經理人正式當藝人。
服務：NIKE
眼鏡：紅點光學