心水清嘅馬迷都會知道「步步威」係舊名重用，而馬主亦都係李福鋆醫生及夫人，即係「步步」系嘅馬主。韋達與呢系馬主陣營合作特別醒神，過往五匹「步步」系馬初配韋達，居然全入前四名，未甩過獎金。周日第八場「步步威」首度由韋達操刀，上周五佢過檔試大閘跑第二後即唔放手，排位朝再親作最後試跑，對上一匹「步步威」正係初配韋達亦勝，唔通周日又會歷史重演？