【B仔叫黃金寶】成恩彩獨留韓國坐月 同大陸老公分隔兩地
蘋果日報 2020/03/10 13:16
黃家熙成恩彩
成恩彩上月平安誕子。
現年32歲的韓國女諧星成恩彩前年12月宣佈與年長13歲的大陸商人結婚，並分別在韓國、大陸以及尼泊爾等多個地方擺酒，去年9月成恩彩更宣佈懷孕成功。
而上月成恩彩平安誕B仔，她今日接受韓媒的電話訪問，透露B仔在韓國時間上月15日凌晨6時42分出世，成恩彩目前正在家中休養。成恩彩說：「B仔個名叫黃金寶。因為我老公姓黃，而我姓金（本名為金恩彩），所以就叫做黃金寶。中國名字一樣容易背誦，以漢字來說亦有寶石嘅意思。」成恩彩表示做了媽媽後，更加覺得做母親的偉大，而因為武漢肺炎關係，目前成恩彩的老公就在大陸被隔離中，她說：「喺疫情爆發之前，我哋就返到韓國，喺呢邊留咗個幾月，之後老公一直留喺韓國照顧我，但因為工作太忙，所以先返去處理工作，我哋而家每日都會視像聯絡。因為暫時唔可以見面，所以希望病毒快啲消失。」
成恩彩透露會先在韓國照顧兒子，之後就會返大陸居住，她說：「因為老公喺大陸做嘢，所以想留喺老公身邊。而且初為人父母，暫時仍未知道應該用咩方式培育小朋友，只係希望佢能夠成為正直嘅人。」
成恩彩的老公是從事跨國集團的建築公司商人，兩人於前年12月22日在大陸舉辦婚禮，之後又在韓國再擺一次酒，因老公是尼泊爾佛教的高級信徒，所以二人再到尼泊爾擺一次酒。成恩彩於2006年以音樂劇演出身份出道，翌年考入MBC電視台成為諧星，曾於2008年MBC演藝大賞喜劇部門獲頒新人獎。
成恩彩做幸福人妻。
目前留在韓國坐月。
成恩彩曾在多個地方擺酒。
成恩彩去年公開超聲波圖片。
曾公開大肚照。