周柏豪今日喺旺角出席手錶品牌新店開幕，佢笑言隨住年紀增長，喜好亦都會有所轉變，開始留意手錶、車同埋酒。

柏豪又話愛同朋友去到夜場消遣，問佢係咪預先要女友批准？柏豪即笑言：「我信任嘅人都喺身邊。」

藝人到夜場消遣，難免有女埋身，柏豪亦坦承曾遇過：「咪當識多個朋友，如果問我拎電話，我通常都會俾，但係係經理人電話。」柏豪又指曾被男粉絲纏着要求合照：「當時喺內地工作，個fans想影合照，點知保安將佢推倒，個肚撞到櫃角。我都叫啲保安哥哥唔好咁躁，亦同fans講，要喺安全情況下先影合照。」